Кітапхана ережесі:

Оқырмандардың міндеттері:

1. Кітаптарға, баспаның шығармаларына, кітапхана қорынан алынған материалдарға мұқият қарап, қолмен түзетпей, жыртпай, парақтарын бүктемей ұстау керек;

2. Штрих-код этикеткасын бүлдірмеуге тиіс;

3. Каталогтан, картотекадан карточкаларды шығаруға болмайды;

4. Ашық қордағы кітаптар мен басқа құжаттардың орналасуын тәртібін бұзуға болмайды;

5. Тыныштық сақтау: кітапхана ішінде қатты сөйлеуге, ұялы телефон қолдануға, сырт киіммен жүруге немесе оны қолына ұстап кіруге, кітапхана жиһаздарын қозғауға немесе басқа да қимылдар арқылы оқырмандардың көңілін аударуға болмайды;

6. Кітапхана жиһаздарына, жабдықтарына мұқият қарап, кітапхананы таза ұстау қажет;

7. Кітапхана залынан оқырман формулярына немесе басқа есеп құжатына тіркелемеген кітаптарды, құжаттарды алып шығуға болмайды;

8. Қордан алынған кітаптар мен құжаттарды белгіленген мерзімде қайтару керек;

9. Әр жыл сайын оқырманға берілген кітаптардың атауларымен оқырман формулярын белгіленген мерзімде қайта тіркеу;

10. Кітапханаға тегінің, мекен-жайының, байланыс телефонының өзгергені туралы хабар беру;

11. Мектептен шығатын жағдайда кетуінен 3 күн бұрын кітапханаға алынған кітаптар, оқулықтарды тапсырып, кету қағазын толтыруы керек;

Оқырман кітапханадан алған әрбір дана оқу құралы үшін жауапты, сондықтан:

1. Кітап немесе баспаның басқа шығармаларын, мәліметтерін аларда оқырман оларды мұқият қарап, ақау кездесіп жатса,  кітапханашыға хабарлауы керек. Олай болмаған жағдайда кітаптың кемістігі үшін соңғы қолданған оқырман жауап беретін болады;

2. Басқа оқырмандармен бірдей әдебиеттерді алмастыруға болмайды, себебі әдебиет қайтарылғанда кітапханашы  штрих-код бойынша кітап кімге берілсе, сол оқырманнан сызып тастайды.